Ukiumoortut akissarsiat nalunaarutigineqarneri
Aningaasat nalunaarsorneqarnerannut takussutissat massakkorpiaq aaneqarsinnaanngillat.
Akileraartarnermut Aqutsisoqarfiup aningaasanut aqutsinermut qarasaasiatigut atortorissaarutaata taarserneqarnera pissutigalugu. Tamanna pissutigalugu martsip naanerata tungaanut aningaasat nalunaarsorneqarnerannut takussutissat aaneqarsinnaanngillat. Tassunga atatillugu akornusersuutaasinnaasut ajuusaarutigaagut.
Akileraartarnermut Aqutsisoqarfimmi Sulisitsisut Allattorsimaffianiit ilisimatitsissut:
EQQAAMAJUK:
Soraarnerussutisiatut tunniunneqartut felt 110c-mi nalunaarnissaat.
Soraarnerussutisiaqarnissamut aaqqissuussinernut Danmarkimiittunut akiliutit tamakkiisut felt 110a-mi taakkualu akileraarutitaasa felt 131-mi nalunaarnissaat.
Soraarnerussutisiaqarnissamut aaqqissuussinernut Nunatsinniittunut akiliutit felt 170-imi nalunaarnissaat.
Felt 190 soraarnerussutisiaqarnissamut tunngasunut nalunaarusiornermut atorneqassanngilaq.
Sulisitsisut akissarsiat allagartaanik nalunaaruteqarnermi eqqumaffigissavaat ukiumut aningaasarsiorfimmut 2019-imut A11-p eqqortumik
immersornissaa. Tassunga atatillugu una sukumiinerusumik atuarnissaa innersuussutigineqarpoq: A 11-p immersornissaanut ilitsersuut.
Ilitsersuullu uani nassaarineqarsinnaavoq:
→
→
(uani atugassat toqqassavat)
Aamma uani aaneqarsinnaavoq:
→
Immikkut eqqumaffigeqquneqarpoq *Immikkoortoq 170 Soraarnerussutisiassatigut aaqqissuussinernut akilersuutit*, soraarnerussutisiaqalernissamut aaqqissuussinermut Nunatsinni inissisimasumut akiliutit.
Sulisorisanut ataasiakkaanut tunngasut soraarnerussutisiatigut inuunermullu sillimmasiissutitigut aaqqissuussinernut kiisalu soraarnerussutisiaqalernissaq siunertaralugu naafferartumik akilersuilluni sillimmasiutitut akiliutit, aningaasarsianit akileraarutit pillugit Inatsisartut inatsisaanni nr. 12, 2. november
2006-imeersumi §§-ini 39-mi aamma 40-mi pineqartunik sulisitsisup akilertagai nalunaarutigineqassapput. Tamanna atuuppoq sulisitsisup sulisorisallu akornanni sillimmasiinermut akiliutissanik avitseqatigiinnissaminnik isumaqatigiissuteqarsimagaluarpataluunniit.
§§-ini 39-mi aamma 40-mi pineqartut tassaapput soraarnerussutisiaqalernissaq siunertaralugu aaqqissuussinernut akilersuutit aningaasarsianik akileraaruteqaataasussaanngitsunik naatsorsuinermi ilanngunneqartussaanngitsut. Tassa imaappoq akiliutissat, sulisorisap aningaasarsiassaanit akileraarutit naatsorsorneqalertinnagit ilanngaatigineqareertussat.
Malugiuk: Soraarnerussutisiaqalernissamut aaqqissuussinernut nunani allaniittunut akiliutit tamarmiusut immikkoortoq 110a-miissapput, aamma taakkua akileraarutaat A-t immikkoortoq 131-miissapput, taakkua immikkoortumi 170-imiissanngillat.
Uani quppernermi akissarsianut nalunaarutit fil atoqqusaasoq atorlugu ikkunneqarsinnaapput. Imaluunniit paasissutissat nammineq naqiterlugit.
Aammattaaq akissarsiat nalunaarutigeriikkat ujarneqarsinnaapput, saniatigullu sulisorisamut tunngassutillit suut nalunaarutigisimanerlugit takuneqarsinnaalluni.
Iserfissaq
