Kalaallit Nunaanni namminersorluni inuussutissarsiuteqaniaraanni Inuussutissarsiummik Ingerlataqartunik Nalunaarsuiffimmi (IIN)-imi nalunaarsimasariaqarpoq. Suliffeqarfiutit sulisoqarpat aamma sulisitsisutut Sulinal-imut nalunaarsimasariaqarpoq. Sulinal - Sulisitsisut Nalunaarsorsimaffianiit naalisagaavoq

Sulisitsisutut sulisorisat akissarsiaat qaammatit tamaasa nassuiaat sukumiisumut allattorlugit nalunaarutigineqartassapput, kiisalu ukiumoortoq akissarsiat nalunaarutigineqarnerat - tassani ukiup ingerlanerani sulisorisimasat tamaasa nalunaarutigineqassapput.

Oktobarimi nassuiaat sukumiisoq nassiunnerani, ukiumi tulliuttumi sulisoriumaakkat skattekortii qarasaasiatigoortut qinnutigineqarsinnaapput.