Qarasaasiatigut akileraartarnermut allagartaq 2026-imut

Saqqummerfia ulloq 15. okt. 2025

Sulisitsisut qarasaasiatigut akileraartarnermut allagartanik ukioq 2026-mut akileraarfiusumut noqqaaniarunik, qaammammut oktober 2025-mut akissarsianut nalunaarsuinerminni noqqaassuteqassapput.

MALUGALUGU: Piffissami uani kisimi noqqaassutigineqarsinnaapput: 01. November – 10. November 2025

Nalunaarut atuaruk

Paaqqinninnersiutit isertitat B-miit A-tut inissinneqarput, taamaalilluni aamma akilersuutit atorunnaarsinneqarluni

Saqqummiunneqarfia ulloq 20. aug. 2025

1. Januar 2025 aallarnerfigalugu Akileraartarnermut Aqutsisoqarfiup nalunaarutaa nr. 161, 25. November 2024 tunngavigalugu paaqqinninnersiutit isertitat B-miit A-tut inissinneqarput, taamaalilluni aamma akilersuutit atorunnaarsinneqarluni.

Tamanna tunngavigalugu Akileraartarnermut Aqutsisoqarfik sulisitsisut PISORTAT-nut atugassiaq ukiumut akissarsiat allagartaannik allannguimmat. Malugiuk ilusaata allanngornera aammalu format-it allanngorneri, felt-it 29-nngorput. Immersugassaq atilik “ Akissarsiat allagartaat 2025-meersoq – A11.

Nalunaarut atuaruk

Sulisorisanik atukkiussinermi nalunaaruteqarnissamut pisussaaffik

Ukioq aningaasarsiorfiusoq 2025 allarnerfigalugu suliffeqarfiit suliffeqarfinnit nunanit allaneersunit sulisorisanik attartornerminni Akileraartarnermut Aqutsisoqarfimmut nalunaartussaatitaliissapput. Nalunaarnermi paasissutissat ataani allaqqasut ilanngunneqartassapput:

• Suliffeqarfiup attartorfigisap aqqa taassumalu nalunaarsugaanerata normua. Danmarkimi suliffeqarfiuppat taava taasuma CVR-normua.
• Sulisorisat qassit suliffeqarfimmit nunamit allameersumit atukkiunneqarsimanersut.
• Piffisamit piffssamut ullut sulisorisanik attartorfiusut (Ullumiit ullumut, ass. 01.01.2025 – 31.03.2025)

Nalunaaruteqarneq immersugassaq elektroniskiusoq atorlugu Akileraartarnermut Aqutsisoqarfimmut nassiussinikkut pissaaq. Immersugassaq kingusinnerpaamik isumaqatigiissuteqartoqarneraniit qaammatip tulliata ulluisa qulinganni imaluunniit sulisorisanut attartorneqartunut aningaasarsiaqartitsinermi siullermi tunniunneqassaaq.

Assersuut: Suliffeqarfik nunamit allamit suliffeqarfimmit sulisunik marlunnik januarimi 2025-mi attartoruni, taava kingusinnerpaamik februarip qulingani 2025 nalunaareersimassaaq.

Nalunaaruteqarnissamut pisussaaffik nunanit allanit Kalaallit Nunaannut suliartortut, Kalaallit nunaanni sulinerminni akileraartussaatitaanerminni, aningaasarsiaminnit akileraartarnissaannut qulakkeerinneqataassaaq.

Immersugassaq iserfigiuk

Inatsit allannguummut tunuliaqutaasoq uani atuarsinnaavat

PDF aajuk

Sulisoqarnermut akitsuutip 1. januar 2025 aallarnerfigalugu allanngortinneqarnera

Saqqummiunneqarfia ulloq 25.nov.2024

Inatsisartut 2024-imi ukiakkut ataatsimiinnerminni akileraarusiisarnermi iluarsaaqqinneq atortussanngortippat, tamanna PISORTANI sulisoqarnermut akitsuutip 0,9%-usup 1,9%-imut qaffanneqarneranik ilaatigut kinguneqarpoq, aammalu NAMMINERSORLUTIK SULIFFIUTEQARTUNUT 1,1%-imiit 2,1%-imut qaffanneqarneranik ilaatigut kinguneqarpoq.

Nalunaarut atuaruk

NemKonto

Saqqummerneqarfia ulloq jan. 2024

Kalaallit Nunaanni inuussutissarsiutinik ingerlataqartut tamarmik NemKonto-qassapput.

NemKonto suliffeqarfimmut ajornaallisitsissaaq, tassami oqartussaqarfinnut assigiinngitsunut suliffeqarfiup konto-isa normui paasissutissiissutigisarnissai pisariaarutissaaq taakkumi tamarmik suliffeqarfiup NemKonto-a atugarilissammassuk.

Sullissivik iserfigiuk

Akileraarutit A-t Sulisoqarnermut akitsuut (AMA) akiligassartai

Saqqummiunneqafia 2024

Sulisitsisunut tamanut

Akileraarutit A-t aammalu Sulisoqarnermut akitsuut (AMA) akiligassartai CVR Nr. malillugu eBoksikkut nassiunneqartalernikuupput Log på Erhverv aqqutigalugu.

Atuutilerfia 2024.

eBoks-imut iserit

2025-imut Akeqannngitsumik ajunngitsorsiat assigiinngitsut nalingi

Saqqummineqarfia ulloq 03. okt. 2024

Ulloq 1. Januar 2025-mi akeqanngitsumik ajunngitsorsiat assigiinngitsut nalinginik sulinermullu ilanngaatip annerpaaffigisinnaasaa aningaasarsianullu tunngaviusup killinga pillugit aaqqiinissamut nalunaarut.

Sulisitsisut eqqumaffigissavaat, sulinermi ajunngitsorsiat aningaasarsiat A-tut (akileraaruserneqartinnagit) qaammatikkaartumik nalunaarutigineqartalissammata

Nalunaarut atuaruk

Ukiunut siuliinut uani takuneqarsinnaapput (link)Nalunaarutit 2021-miit atuutsilersut

Assersuut sulinermi ajungitsorsiat akissarsiat naatsorsuineq 2025-imut naleqqussagaq

Assersuut takujuk

Sulinermi ajunngitsorsiat ukiumoortoq akissarsiat A11

Ulloq saqqummiuneqafia 22. juni 2023

Sulisitsisunut tamanut nalunaarut sulinermut ajunngitsorsiat pillugu, 2023 atuuttoq.

Sulisitsisut eqqumaffigissavaat, sulinermi ajunngitsorsiat aningaasarsiat A-tut (akileraaruserneqartinnagit) qaammatikkaartumik nalunaarutigineqartalissammata.

Akileraartarnermut Aqutsisoqarfik video-liaq atorlugu ilitsersuutiliornikuuvoq, qanoq sulinermi ajungitsorsiat nalunaarusiorneqartassanersut ukiumoortut akissarsiat

Sulisitsisunut paasissutissaq pisortanut

Pisortani sulisitsisut eqqumaffigissavaat inatsisartut inatsimmik allanngortittinikuummata sulinermut ajungitsorsiat pillugu, akissarsiat allagartaat ukiumoortoq immersugassartaa allanngortinneqarmat, aammalu filformat-ertaa allanngortinneqarmat, 2023 atuutilersumi

Nalunaarut atuaruk

Sulisitsisunut paasissutissaq namminersortunut

Sulisitsisut namminersortut eqqumaffigissavaat inatsisartut inatsimmik allanngortittinikuummata sulinermut ajungitsorsiat pillugu, akissarsiat allagartaat ukiumoortoq immersugassartaa allanngortinneqarmat, aammalu filformat-ertaa allanngortinneqarmat, 2023 atuutilersumi

Nalunaarut atuaruk

Qaammatikkaartumik sukumiisumik nassuiaatit

Kingusinnerpaamik qaammatip unerartitsiviup tulliani qaammatip ulluisa10-ni nassiunneqassaaq/nalunaarutigineqassaaq Sulinal-imut

Qaammatip ulluisa qulingat arfininngorneruppat, sapaataappat nalliuttuuppalluunniit nassitsinissamut periarfissarititaq ulluinnaasumut tullermut sivitsorne-qassaaq. Takuuk Landstingslov nr. 12 ulloq 2. november 2006 aningaasarsianit akileraarutit pillugit Inatsisartut inatsisaat § 81.

 

 

Akissarsiat allagartai ukiumoortut

Nalunaarutigineqarsinnaalissammata januarip aappaani 2024 aallarnerfigalugu.

Akissarsiat allagartaanik tunniussivissaq kingusinnerpaamik 31. januar 2024 ulloqarmat.

Erseqqissaatigissavarput ukiumoortut akissarsiat allagartai qaammammoortunut nalunaarusianut naleqqussaaneq pissammat ukiumut akissarsiat allagartaanik nalunaarusiunnginnermi. Sumilluunniit nalornissuteqarnermi qanoq soraarnerussutisiaqalernissamut aaqqissuussinermut peqataasussaatitaaneq nalunaarutigineqassanersut, Sulinal attavigiguk uunga +299 346081 imaluunniit mail-ikkut uunga Sulinal@nanoq.gl

 

 

Qarasaasiatigoortumik skattekorti

Qarasaasiatigoortumik skattekortinik noqqaasoqarsinnaavoq oktober qaammat nalunaarusiorneqarnerani.

Qarasaasiatigut akileraartarnermut allagartamik noqqaanissaq ulloq 1. november-imiit 10. november-imut atuuppoq.

Qarasaasiatigut akileraartarnermut allagartamik aaneqarsinnaalertarput ulloq 01. december-imiit